លោក ប៉ាន មរកត ប្រធានមន្ទីរបរិស្ថានខេត្តពោធិ៍សាត់ នៅថ្ងៃអង្គារ ទី១១ ខែសីហា ឆ្នាំ២០២០ បានបញ្ជាក់ថា មានអ្នកទេសចរណ៍មួយក្រុមមានគ្នាចំនួន២១នាក់ មកពីភ្នំពេញ បានធ្វើដំណើរឡើងភ្នំខ្វាវ ហៅភ្នំតាក្រហមករ ដើម្បីដើរកំសាន្ត និងសម្រាកលំហែរកាយលើខ្នងភ្នំ។ ភ្នំខ្វាវហៅភ្នំតាក្រហមករមានទីតាំងក្នុងដែនជម្រកសត្វព្រៃឱរ៉ាល់ ភូមិសាស្រ្តខេត្តពោធិ៍សាត់។ នៅក្នុងដំណើកម្សាន្តនេះ ទេសចរបានសម្របសម្រួលជាមួយសហគមន៍ការពារធម្មជាតិរាំងខ្វាវ និងមានមន្រ្តីឧទ្យានុរក្សនៃមន្ទីរបរិស្ថានខេត្តពោធិ៍សាត់ចំនួន១នាក់ ជាអ្នកនាំផ្លូវក្នុងភូមិសាស្រ្តតំបន់ការពារធម្មជាតិ។ លោក ប៉ាន មរកត បានបន្ថែមថា ការធ្វើដំណើរឡើងភ្នំលោកតាក្រហមករនេះត្រូវចំណាយពេល១យប់២ថ្ងៃ ហើយឆ្លងកាត់ពីរដំណាក់កាល ក្នុងនោះដំណាក់ទី១គឺមានទឹកហូរដ៏ថ្លាឆ្វង់អាចហែលទឹកលេងកម្សាន្ត ហើយដំណាក់ទី២គឺកំពូលភ្នំលោកតាក្រហមករតែម្ដង ជាកន្លែងដែលអាចឈរមើលព្រៃព្រឹក្សា និងទេសភាពជុំវិញភ្នំ ជាពិសេស មើលថ្ងៃលិចនៅលើកំពូលភ្នំបានយ៉ាងស្រស់ស្អាត។

សូមបញ្ជាក់ថា សហគមន៍រាំងខ្វាវ មានកន្លែងកំសាន្តដូចជា កំពូលភ្នំខ្វាវ ឬភ្នំលោកតាក្រហមករដែលមានកម្ពស់១៣០០ម៉ែត្រ អណ្ដូងត្រាំស្បែកគង់ និងទឹកហូរស្ទឹងសេនាធិការយ៉ាងស្រស់ស្អាត។ បង្កើតឡើងនៅឆ្នាំ២០១៤ និងទទួលស្គាល់ដោយក្រសួងបរិស្ថានឆ្នាំ២០១៧ សហគមន៍រាំងខ្វាវមានផ្ទៃដី៧៧៦ហិកតា និងមានប្រជាពលរដ្ឋចំនួន២៧៧គ្រួសារ ភាគច្រើនជាជនជាតិដើមភាគតិចសួយកំពុងរស់នៅ។ ប្រជាពលរដ្ឋនៅទីនោះរក្សាបាននៅទំនៀមទំលាប់ប្រពៃណីដូចជា ឡើងអ្នកតា សែនព្រេង ឡើងអារក្ខ ជន់អារក្ខ…។

ដើម្បីធ្វើដំណើរទៅលេងភ្នំលោកតាក្រហមករនេះ អ្នកទេសចរណ៍អាចមានជ្រើរើសផ្លូវធ្វើដំណើរចំនួនបីផ្សេងគ្នា ដោយចេញពីភ្នំពេញទៅដល់ផ្លូវទី១ គឺចូលតាមបំណក់(ច្រកល្អៀង) ដែលមានប្រវែងប្រហែល៣០គីឡូម៉ែត្រ ហើយផ្លូវទី២ ចូលតាមព្រងឹលស្រុកភ្នំក្រវាញ ដែលមានចម្ងាយប្រហែល៤៧គីឡូម៉ែត្រ និងផ្លូវទី៣ ចូលតាមក្លោងទ្វាវត្តកណ្ដាល(ទីរួមស្រុកក្រវាញ)កាត់តាមភូមិមុលដែលមានប្រវែង៣៧គីឡូម៉ែត្រ៕

  

ព័ត៌មានបន្ថែម

ឯកឧត្ដម សៅ សុភាព រដ្ឋលេខាធិការក្រសួងបរិស្ថាន បានអនុញ្ញាតអោយ​លោក OKUBO Masaharu នាយកប្រតិបត្តិផ្នែក Energy Business Unit I របស់ក្រុមហ៊ុន Mitsui & Co.,Ltd និងលោកJackson មន្ត្រីអង្គការ CI ជួបសម្តែងការគួរសម និងពិភាក្សាការងារ
ថ្ងៃ ពុធ, 28 សីហា, 2019 ឯកឧត្ដម សៅ សុភាព រដ្ឋលេខាធិការក្រសួងបរិស្ថាន បានអនុញ្ញាតអោយ​លោក OKUBO Masaharu នាយកប្រតិបត្តិផ្នែក Energy Business Unit I របស់ក្រុមហ៊ុន Mitsui & Co.,Ltd និងលោកJackson មន្ត្រីអង្គការ CI ជួបសម្តែងការគួរសម និងពិភាក្សាការងារ
ឯកឧត្តម រ័ត្នវិរៈ អនុរដ្ឋលេខាធិការក្រសួងបរិស្ថាន បានដឹកនាំកិច្ចប្រជុំពិភាក្សាការងារ និងសំណេះសំណាល ជាមួយមន្ត្រីរាជការ និងមន្ត្រីឧទ្យានុរក្ស នៃមន្ទីរបរិស្ថានខេត្តក្រចេះ
ថ្ងៃ ពុធ, 28 សីហា, 2019 ឯកឧត្តម រ័ត្នវិរៈ អនុរដ្ឋលេខាធិការក្រសួងបរិស្ថាន បានដឹកនាំកិច្ចប្រជុំពិភាក្សាការងារ និងសំណេះសំណាល ជាមួយមន្ត្រីរាជការ និងមន្ត្រីឧទ្យានុរក្ស នៃមន្ទីរបរិស្ថានខេត្តក្រចេះ
សេចក្តីជូនដំណឹងស្តីពីការប្រឡងជ្រើសរើសនិស្សិត និងមន្ត្រីរាជការ ចូលបម្រើការងារក្នុងក្របខណ្ឌក្រសួងបរិស្ថានឆ្នាំ២០១៩
ថ្ងៃ ពុធ, 28 សីហា, 2019 សេចក្តីជូនដំណឹងស្តីពីការប្រឡងជ្រើសរើសនិស្សិត និងមន្ត្រីរាជការ ចូលបម្រើការងារក្នុងក្របខណ្ឌក្រសួងបរិស្ថានឆ្នាំ២០១៩