នៅថ្ងៃទី០៦ ដល់ ០៨ ខែកក្កដា ឆ្នាំ២០២០ នៅរមណីយដ្ឋា​នថ្ងៃបាំងឆ័ត្រ តំណាងអគ្គលេខាធិការដ្ឋានក្រុមប្រឹក្សាជាតិអភិវឌ្ឍន៍ដោយចីរភាព ក្រសួងបរិស្ថាន លោកជំទាវ ងិន លីណា អគ្គលេខាធិការង នៃអគ្គលេខាធិការដ្ឋានក្រុមប្រឹក្សាជាតិអភិវឌ្ឍន៍ដោយចីរភាព បានចូលរួមជាអធិបតី និងដឹកនាំកិច្ចប្រជុំស្តីពីការរៀបចំយុទ្ធសាស្ត្រ និងផែនការសកម្មភាពសេដ្ឋកិច្ចចក្រា ដើម្បីសាកល្បង និងលើកកម្ពស់នូវជម្រើសនានាសម្រាប់ការគ្រប់គ្រងធនធានធម្មជាតិ និងសំណល់ប្រកបដោយចីរភាព ក្រោមកិច្ចសហការសម្របសម្រួល ពីនាយកដ្ឋានសេដ្ឋកិច្ចបៃតង និងអង្គការអភិវឌ្ឍន៍សហប្រជាជាតិ (UNDP) ក្នុងការអនុវត្តន៍គម្រោង BESD ចំពោះសេដ្ឋកិច្ចចក្រា ដោយមានការចូលរួមក្រុមការងារនាយកដ្ឋានសេដ្ឋកិច្ចបៃតង តំណាងនាយកដ្ឋានរដ្ឋបាល និងហិរញ្ញវត្ថុ តំណាងមកពីអគ្គនាយកដ្ឋានគាំពារបរិស្ថាន តំណាងមកពីអគ្គនាយកដ្ឋានចំណេះដឹង និងព័ត៌មានបរិស្ថាន តំណាងមកពីគណៈកម្មការជាតិសម្រាប់ការអភិវឌ្ឍតាមបែបប្រជាធិបតេយ្យ​(គ.ជ.អ.ប.)​ តំណាងមកពីសាលាខេត្ត ក្រុមហ៊ុនប្រមូលសំរាម តំណាងមន្ទីរបរិស្ថានខេត្ត តំណាងសណ្ឋាគារ និងភោជនីយដ្ឋាន និងតំណាងUNDP សរុបប្រមាណ៤០នាក់។

គោលបំណងនៃកិច្ចប្រជុំនេះ​ រួមមាន៖ ១).​ពិភាក្សា និងស្វែងរកធាតុចូលសំខាន់ៗ ពីអ្នកជំនាញដើម្បីលើកសំណើសកម្មភាព និងពេលវេលាជាក់លាក់សម្រាប់អនុវត្តន៍សេដ្ឋកិច្ចចក្រា ២).ជំរុញការពិភាក្សាក្នុងការរៀបចំគម្រោងសាកល្បងសេដ្ឋកិច្ចចក្រាខ្នាតតូចសម្រាប់ខេត្តកែប ៣).ស្វែងយល់ពីការអនុវត្តន៍ល្អនៃសេដ្ឋកិច្ចចក្រារបស់សណ្ឋាគារ ទាក់ទងនឹងការមិនប្រើប្រាស់ប្លាស្ទីក និងការផលិតជីកំប៉ុស្ត និងការប្រើប្រាស់ឡើងវិញ ដើម្បីកាត់បន្ថយសំណល់។

ជាលទ្ធផលក្នុងរយៈពេលបីថ្ងៃនេះ កិច្ចប្រជុំទទួលបាននូវ ១).បទពិសោធន៍ក្នុ្ងងការអនុវត្តន៍ល្អការមិនប្រើប្រាស់ប្លាស្ទីក និងការផលិតជីកំប៉ុស្ត និងការប្រើ​ប្រាស់ឡើងវិញ ដើម្បីកាត់បន្ថយសំណល់ដែលស្របទៅបរិបទនៃសេដ្ឋកិច្ចចក្រា ២).ធាតុចូលសំខាន់ៗពីតំណាងថ្នាក់ជាតិ ថ្នាក់ក្រោមជាតិ និងតំណាងក្រុមហ៊ុនប្រមូលសំរាម សម្រាប់គាំទ្រដល់គោលបំណងយុទ្ធសាស្ត្រ និងសកម្មភាពជាក់លាក់នៃសេដ្ឋកិច្ចចក្រា ៣).កំណត់តួអង្គ និងដៃគូក្នុងការចូលរួមគាំទ្រអនុវត្តន៍សេដ្ឋកិច្ចចក្រា និង ៤).កំណត់ពេលវេលាជាក់លាក់សម្រាប់ប្រសិទ្ធភាពអនុវត្តន៍សេដ្ឋកិច្ចចក្រា។

លោកជំទាវ ងិន លីណា ក៏បានលើកឡើងនូវជំហ៊ានបន្ទាប់ នឹងធ្វើការកែសម្រួលឯកសារយុទ្ធសាស្រ្ត និងផែនការសកម្មភាពសេដ្ឋកិច្ចចក្រា និងក្របខ័ណ្ឌកាងារ ដើម្បីកំណត់គម្រោងអនុវត្តន៍ និងថវិកា ដោយភ្ជាប់ជាមួយសូចនាករ និងគោលដៅ មុននឹងឈានទៅការរៀបចំសិក្ខាសាលាពិគ្រោះយោបល់ជាមួយអន្តរក្រសួង និងដៃគូពាក់ព័ន្ធ៕

ព័ត៌មានបន្ថែម

ឯកឧត្ដម សៅ សុភាព រដ្ឋលេខាធិការក្រសួងបរិស្ថាន បានអនុញ្ញាតអោយ​លោក OKUBO Masaharu នាយកប្រតិបត្តិផ្នែក Energy Business Unit I របស់ក្រុមហ៊ុន Mitsui & Co.,Ltd និងលោកJackson មន្ត្រីអង្គការ CI ជួបសម្តែងការគួរសម និងពិភាក្សាការងារ
ថ្ងៃ ពុធ, 28 សីហា, 2019 ឯកឧត្ដម សៅ សុភាព រដ្ឋលេខាធិការក្រសួងបរិស្ថាន បានអនុញ្ញាតអោយ​លោក OKUBO Masaharu នាយកប្រតិបត្តិផ្នែក Energy Business Unit I របស់ក្រុមហ៊ុន Mitsui & Co.,Ltd និងលោកJackson មន្ត្រីអង្គការ CI ជួបសម្តែងការគួរសម និងពិភាក្សាការងារ
ឯកឧត្តម រ័ត្នវិរៈ អនុរដ្ឋលេខាធិការក្រសួងបរិស្ថាន បានដឹកនាំកិច្ចប្រជុំពិភាក្សាការងារ និងសំណេះសំណាល ជាមួយមន្ត្រីរាជការ និងមន្ត្រីឧទ្យានុរក្ស នៃមន្ទីរបរិស្ថានខេត្តក្រចេះ
ថ្ងៃ ពុធ, 28 សីហា, 2019 ឯកឧត្តម រ័ត្នវិរៈ អនុរដ្ឋលេខាធិការក្រសួងបរិស្ថាន បានដឹកនាំកិច្ចប្រជុំពិភាក្សាការងារ និងសំណេះសំណាល ជាមួយមន្ត្រីរាជការ និងមន្ត្រីឧទ្យានុរក្ស នៃមន្ទីរបរិស្ថានខេត្តក្រចេះ
សេចក្តីជូនដំណឹងស្តីពីការប្រឡងជ្រើសរើសនិស្សិត និងមន្ត្រីរាជការ ចូលបម្រើការងារក្នុងក្របខណ្ឌក្រសួងបរិស្ថានឆ្នាំ២០១៩
ថ្ងៃ ពុធ, 28 សីហា, 2019 សេចក្តីជូនដំណឹងស្តីពីការប្រឡងជ្រើសរើសនិស្សិត និងមន្ត្រីរាជការ ចូលបម្រើការងារក្នុងក្របខណ្ឌក្រសួងបរិស្ថានឆ្នាំ២០១៩