នៅថ្ងៃចន្ទ ១២រោច ខែមិគសិរ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី២៣ ខែធ្នូ ឆ្នាំ២០១៩ លោកជំទាវ ងិន លីណា អគ្គលេខាធិការរង នៃអគ្គលេខាធិការដ្ឋានក្រុមប្រឹក្សាជាតិអភិវឌ្ឍន៍ដោយចីរភាព និងជាអនុប្រធានអចិន្ត្រៃយ៍ នៃក្រុមការងារគ្រប់គ្រងសំណល់ប្លាស្ទិកបានអញ្ជើញចូលរួមជាអធិបតីក្នុងកម្មវិធីស្តីពី «វគ្គបណ្តុះបណ្តាល និងយុទ្ធនាការផ្សព្វផ្សាយស្តីពីការកាត់បន្ថយការប្រើប្រាស់សម្ភារៈធ្វើពីប្លាស្ទិក» នៅវិទ្យាល័យព្រះសីហនុខេត្តកំពង់ចាម ដោយមានការចូលរួមពីនាយកដ្ឋានសេដ្ឋកិច្ចបៃតង នៃអគ្គលេខាធិការដ្ឋានក្រុមប្រឹក្សាជាតិអភិវឌ្ឍន៍ដោយចីរភាព នាយកដ្ឋានគ្រប់គ្រប់សំណល់រឹង នៃអគ្គនាយកដ្ឋានគាំពារបរិស្ថាន តំណាងមន្ទីរ អប់រំ យុវជន និងកីឡា ខេត្តកំពង់ចាម តំណាង មន្ទីរបរិស្ថាន ខេត្តកំពង់ចាម សាស្រ្តាចារ្យតំណាងវិទ្យាល័យព្រះសីហនុ សាស្រ្តាចារ្យតំណាងវិទ្យាល័យតេជោ-ហ៊ុនសែន បឹងកុក សិស្សានុសិស្សតំណាងវិទ្យាល័យព្រះសីហនុ សរុបចំនួន ​១០០​​នាក់​ ។ វគ្គបណ្តុះបណ្តាលនេះមានគោលបំណងដើម្បី៖ ១) បង្កើនការចូលរួម និងបង្ហាញពីសកម្មភាពវិជ្ជមានរបស់ដៃគូអភិវឌ្ឍន៍ និងវិស័យអប់រំដើម្បីផ្តើមគំនិតថ្មីៗ ជួយកាត់បន្ថយការប្រើប្រាស់សម្ភារៈធ្វើពីប្លាស្ទិក និងរៀបចំផែនការ និងផែនទីបង្ហាញផ្លូវ សម្រាប់សកម្មភាពរយៈពេលខ្លី និងរយៈពេលវែងគាំទ្រដំណើការប្រើប្រាស់ និងការផលិតដោយចីរភាព ២) ពង្រឹងកិច្ចសហប្រតិបត្តិការថ្នាក់ជាតិ និងថ្នាក់ក្រោមជាតិ ដើម្បីចូលរួមកាត់បន្ថយការប្រើប្រាស់សម្ភារៈធ្វើពីប្លាស្ទិក ៣) បង្ហាញអំពីផលប៉ះពាល់នៃសំណល់ប្លាស្ទិកចំពោះបរិស្ថាន និងសុខភាពដល់យុវជន និងដែគូរពាក់ព័ន្ធដើម្បីចូលរួមទាំងអស់គ្នាថែរក្សាបរិស្ថានសាលារៀន​ និងភូមិអោយមានអនាម័យ និងបៃតង។

ព័ត៌មានបន្ថែម

ឯកឧត្ដម សៅ សុភាព រដ្ឋលេខាធិការក្រសួងបរិស្ថាន បានអនុញ្ញាតអោយ​លោក OKUBO Masaharu នាយកប្រតិបត្តិផ្នែក Energy Business Unit I របស់ក្រុមហ៊ុន Mitsui & Co.,Ltd និងលោកJackson មន្ត្រីអង្គការ CI ជួបសម្តែងការគួរសម និងពិភាក្សាការងារ
ថ្ងៃ ពុធ, 28 សីហា, 2019 ឯកឧត្ដម សៅ សុភាព រដ្ឋលេខាធិការក្រសួងបរិស្ថាន បានអនុញ្ញាតអោយ​លោក OKUBO Masaharu នាយកប្រតិបត្តិផ្នែក Energy Business Unit I របស់ក្រុមហ៊ុន Mitsui & Co.,Ltd និងលោកJackson មន្ត្រីអង្គការ CI ជួបសម្តែងការគួរសម និងពិភាក្សាការងារ
ឯកឧត្តម រ័ត្នវិរៈ អនុរដ្ឋលេខាធិការក្រសួងបរិស្ថាន បានដឹកនាំកិច្ចប្រជុំពិភាក្សាការងារ និងសំណេះសំណាល ជាមួយមន្ត្រីរាជការ និងមន្ត្រីឧទ្យានុរក្ស នៃមន្ទីរបរិស្ថានខេត្តក្រចេះ
ថ្ងៃ ពុធ, 28 សីហា, 2019 ឯកឧត្តម រ័ត្នវិរៈ អនុរដ្ឋលេខាធិការក្រសួងបរិស្ថាន បានដឹកនាំកិច្ចប្រជុំពិភាក្សាការងារ និងសំណេះសំណាល ជាមួយមន្ត្រីរាជការ និងមន្ត្រីឧទ្យានុរក្ស នៃមន្ទីរបរិស្ថានខេត្តក្រចេះ
សេចក្តីជូនដំណឹងស្តីពីការប្រឡងជ្រើសរើសនិស្សិត និងមន្ត្រីរាជការ ចូលបម្រើការងារក្នុងក្របខណ្ឌក្រសួងបរិស្ថានឆ្នាំ២០១៩
ថ្ងៃ ពុធ, 28 សីហា, 2019 សេចក្តីជូនដំណឹងស្តីពីការប្រឡងជ្រើសរើសនិស្សិត និងមន្ត្រីរាជការ ចូលបម្រើការងារក្នុងក្របខណ្ឌក្រសួងបរិស្ថានឆ្នាំ២០១៩