កាលពី​ថ្ងៃសុក្រ ២រោច ខែមិគសិរ ឆ្នាំកុរ ឯកស័ក ព.ស២៥៦៣ ត្រូវនឹង​ថ្ងៃទី១៣ ខែធ្នូ ឆ្នាំ២០១៩ នៅសណ្ឋាគារ គ្លរៀស & ស្ប៉ា (Giorious Hotel & Spa)ទីរួមខេត្តកំពង់ធំ ឯកឧត្តម សៅ សុភាព រដ្ឋលេខាធិការក្រសួងបរិស្ថាន និងជាប្រធាន​ក្រុមការងារកែទម្រង់ការគ្រប់គ្រងហិរញ្ញវត្ថុសាធារណៈ បានអញ្ជើញជា​អធិបតី​ក្នុង​ពិធី​បើក​សិក្ខាសាលា​ស្តីពី «ការផ្សព្វផ្សាយកម្រងសេវា​សាធារណៈ លិខិតបទដ្ឋានគតិយុត្តិពាក់ពន័្ធនឹងសវនកម្មផ្ទៃក្នុង យុទ្ធសាស្រ្តប្រមូលចំណូលមិនមែនសារពើពន្ធ និងការគ្រប់គ្រងទ្រព្យសម្បត្តិរដ្ឋក្នុងតំបន់ការពារធម្មជាតិ» ដោយមានការអញ្ជើញ​ចូលរួមពីឯកឧត្តម សឹម យ៉ារ៉ែន អនុរដ្ឋលេខាធិការក្រសួងបរិស្ថាន​ ឯកឧត្តមអគ្គនាយក នៃអគ្គនាយកដ្ឋានសហគមន៍មូលដ្ឋាន តំណាងគ្រប់អគ្គនាយកដ្ឋានចំណុះក្រសួងបរិស្ថាន អាគារធិការដ្ឋាន នាយកដ្ឋានសវនកម្មផ្ទៃក្នុង និងមន្រ្តីជំនាញពីរាជាធានី-ខេត្តសរុបប្រមាណ៨០នាក់។
សិក្ខាសាលានេះរៀបចំឡើងដោយក្រុមការងារកែទម្រង់ការគ្រប់គ្រងហិរញ្ញវត្ថុសាធារណៈក្រសួងបរិស្ថាន និងសហការឧបត្ថម្ភដោយអគ្គលេខាធិការដឹកនាំការងារកែទម្រង់ហរញ្ញវត្ថុសារធារណៈក្រសួងសេដ្ឋកិច្ច​ និងហិរញ្ញវត្ថុ​ ក្នុងគោលបំណងផ្សព្វផ្សាយចំណេះដឹងដល់ថ្នាក់ដឹកនាំ និងមន្រ្តីជំនាញអង្គភាពថវិកា ក្នុងការអនុវត្តការងាររបស់ខ្លួន ពាក់ព័ន្ធនឹងប្រធានបទខាងលើ ព្រមទាំងបង្កើនការគ្រប់គ្រងហិរញ្ញវត្ថុសាធារណៈប្រកប​ដោយប្រសិទ្ធភាព ភាពសក្ក័សិទ្ធិ និងមានការ​ទទួលខុសត្រូវ​ចំពោះការប្រមូលចំណូលមិនមែនសារពើពន្ធ និងប្រើប្រាស់គ្រប់គ្រងធនធានសាធារណៈ​របស់រដ្ឋ។
ក្នុងពិធីនេះដែរ ឯកឧត្តម សៅ សុភាព បានមានប្រសាសន៍ថា​ សិក្ខាសាលានេះរៀបចំឡើងដើម្បីប្រមូលធាតុចូលរបស់ក្រសួងបរិស្ថាន ក្នុងផែនការសកម្មភាព នៃការកែទម្រង់ស៊ីជម្រៅរបស់រាជរដ្ឋាភិបាល ក្នុងការគ្រប់គ្រងហិរញ្ញវត្ថុសាធារណៈ និងជាការចូលរួមបង្កើនល្បឿនក្នុងការអនុវត្តសកម្មភាពកំណែទម្រង់ស៊ីជម្រៅរបស់រាជរដ្ឋាភិបាល ក៏ដូចជាការអនុវត្តនូវផែនការ​យុទ្ធសាស្រ្តឆ្នាំ២០២០ របស់ក្រសួងបរិស្ថាន ដែលជាអាណត្តិរៀបចំនូវរដ្ឋបាលទំនើបផងដែរ។

ព័ត៌មានបន្ថែម

ឯកឧត្ដម សៅ សុភាព រដ្ឋលេខាធិការក្រសួងបរិស្ថាន បានអនុញ្ញាតអោយ​លោក OKUBO Masaharu នាយកប្រតិបត្តិផ្នែក Energy Business Unit I របស់ក្រុមហ៊ុន Mitsui & Co.,Ltd និងលោកJackson មន្ត្រីអង្គការ CI ជួបសម្តែងការគួរសម និងពិភាក្សាការងារ
ថ្ងៃ ពុធ, 28 សីហា, 2019 ឯកឧត្ដម សៅ សុភាព រដ្ឋលេខាធិការក្រសួងបរិស្ថាន បានអនុញ្ញាតអោយ​លោក OKUBO Masaharu នាយកប្រតិបត្តិផ្នែក Energy Business Unit I របស់ក្រុមហ៊ុន Mitsui & Co.,Ltd និងលោកJackson មន្ត្រីអង្គការ CI ជួបសម្តែងការគួរសម និងពិភាក្សាការងារ
ឯកឧត្តម រ័ត្នវិរៈ អនុរដ្ឋលេខាធិការក្រសួងបរិស្ថាន បានដឹកនាំកិច្ចប្រជុំពិភាក្សាការងារ និងសំណេះសំណាល ជាមួយមន្ត្រីរាជការ និងមន្ត្រីឧទ្យានុរក្ស នៃមន្ទីរបរិស្ថានខេត្តក្រចេះ
ថ្ងៃ ពុធ, 28 សីហា, 2019 ឯកឧត្តម រ័ត្នវិរៈ អនុរដ្ឋលេខាធិការក្រសួងបរិស្ថាន បានដឹកនាំកិច្ចប្រជុំពិភាក្សាការងារ និងសំណេះសំណាល ជាមួយមន្ត្រីរាជការ និងមន្ត្រីឧទ្យានុរក្ស នៃមន្ទីរបរិស្ថានខេត្តក្រចេះ
សេចក្តីជូនដំណឹងស្តីពីការប្រឡងជ្រើសរើសនិស្សិត និងមន្ត្រីរាជការ ចូលបម្រើការងារក្នុងក្របខណ្ឌក្រសួងបរិស្ថានឆ្នាំ២០១៩
ថ្ងៃ ពុធ, 28 សីហា, 2019 សេចក្តីជូនដំណឹងស្តីពីការប្រឡងជ្រើសរើសនិស្សិត និងមន្ត្រីរាជការ ចូលបម្រើការងារក្នុងក្របខណ្ឌក្រសួងបរិស្ថានឆ្នាំ២០១៩