កិច្ចប្រជុំអន្តរក្រសួងស្តីពីការ​ពិនិត្យ និងផ្តល់​យោបល់លើរបាយការណ៍​វាយ​តម្លៃ​ហេតុប៉ះ​ពាល់​បរិស្ថាន និង​សង្គម​ពេញលេញ ​(ESIA​​​) សម្រាប់​គម្រោង​អាជីវកម្ម​ថ្មអារ
______________

នៅព្រឹក ថ្ងៃសុក្រ​ ១០កេីត​ ខែមិគសិរ​ ឆ្នាំកុរ​ ឯកស័ក​ ព.ស​ ២៥៦៣​ ត្រូវនឹងថ្ងៃទី០៦ ខែធ្នូ​ ឆ្នាំ២០១៩ ឯកឧត្តម សៅ សុភាព​ រដ្ឋលេខាធិការនៃក្រសួងបរិស្ថាន​ បានដឹកនាំកិច្ចប្រជុំអន្តរក្រសួងស្តីពីការ​ពិនិត្យ និងផ្តល់​យោបល់លើ​របាយការណ៍​វាយ​តម្លៃ​ហេតុប៉ះ​ពាល់​បរិស្ថាន និង​សង្គម​ពេញលេញ ​(ESIA​​​) សម្រាប់​គម្រោង​អាជីវកម្ម​ថ្មអារ ​​លើផ្ទៃដីទំហំ ៧១,៧៩ហិកតា ស្ថិតនៅ​តំបន់​រវៀង ក្នុងភូមិសាស្រ្ត​ភូមិ​ថ្នល់ ​ឃុំ​ស្វាយជ្រះ ស្រុកស្នួល ខេត្តក្រចេះ របស់​ក្រុមហ៊ុន ចាង យី ម៉ាញនីង ខបភើរេសិន (ខេមបូឌា) ឯ.ក (ម្ចាស់គម្រោង) ដែល​សិក្សា និង​រៀបចំ​របាយការណ៍​វាយ​តម្លៃ​ដោយក្រុម​ហ៊ុន​ទីប្រឹក្សា អ ស៊ី ប៊ី ស៊ី ខូ អិលធីឌី​ នៅសាលប្រាជ្ញស៊ុន​ ទីស្តីការក្រសួងបរិស្ថាន​។

កិច្ច​ប្រជុំនេះ​ មាន​​សមាសភាពចូលរួម​ពីថ្នាក់ដឹកនាំក្រសួងបរិស្ថាន តំណាង​អគ្គនាយកដ្ឋានចំណុះក្រសួង​បរិស្ថាន តំណាង​​អន្តរក្រសួងពាក់ព័ន្ធ​ ក្រុម​ប្រឹក្សា​អភិវឌ្ឍន៍​កម្ពុជា រដ្ឋបាល​ខេត្តក្រចេះ​ មន្ទីរ​បរិស្ថាន​ខេត្តក្រចេះ អង្គការ DPA នាយកដ្ឋាន​​វាយតម្លៃហេតុ​ប៉ះ​ពាល់​​បរិស្ថាន​នៃ​ក្រសួង​បរិស្ថាន តំណាង​ម្ចាស់​គម្រោង និង​ក្រុមហ៊ុន​ទីប្រឹក្សា​ផងដែរ​ ចំនួន​ ៣០នាក់។

ជារួម​ អង្គប្រជុំ​ បានទទួលលទ្ធផល​ ដូចខាងក្រោម៖
១-​ អង្គប្រជុំ​ បានគាំទ្រគម្រោងអាជីវកម្មថ្ម​អារនេះ
២-​ ម្ចាស់គម្រោង​ ត្រូវ​ដោះ​ស្រាយបញ្ហាដីធ្លីរបស់​​ប្រជាពលរដ្ឋចំនួន ០៣គ្រួសារ ឱ្យ​បាន​រួចរាល់ ដោយ​សហការជាមួយអាជ្ញាធរមូលដ្ឋាន
៣-​ ម្ចាស់គម្រោង​ ត្រូវគ្រប់គ្រងសំណល់រឹង-រាវគ្រប់ប្រភេទ ទៅតាមបទដ្ឋានបច្ចេកទេសបរិស្ថាន ចៀសវាងការបំពុលគុណភាពទឹកអូរ
៤-​ ម្ចាស់គម្រោង​ ត្រូវយកចិត្តទុកដាក់លើសុខភាព-សុវត្ថិភាពបុគ្គលិក-កម្មករ លើការប្រើប្រាស់ គ្រឿងចក្រគ្រប់ប្រភេទ
៥-​ ម្ចាស់គម្រោង​ ត្រូវសហការជាមួយក្រុមហ៊ុនទីប្រឹក្សាកែសម្រួលរបាយការណ៍ ស្របតាមស្មារតីអង្គប្រជុំ​៕

ព័ត៌មានបន្ថែម

ឯកឧត្ដម សៅ សុភាព រដ្ឋលេខាធិការក្រសួងបរិស្ថាន បានអនុញ្ញាតអោយ​លោក OKUBO Masaharu នាយកប្រតិបត្តិផ្នែក Energy Business Unit I របស់ក្រុមហ៊ុន Mitsui & Co.,Ltd និងលោកJackson មន្ត្រីអង្គការ CI ជួបសម្តែងការគួរសម និងពិភាក្សាការងារ
ថ្ងៃ ពុធ, 28 សីហា, 2019 ឯកឧត្ដម សៅ សុភាព រដ្ឋលេខាធិការក្រសួងបរិស្ថាន បានអនុញ្ញាតអោយ​លោក OKUBO Masaharu នាយកប្រតិបត្តិផ្នែក Energy Business Unit I របស់ក្រុមហ៊ុន Mitsui & Co.,Ltd និងលោកJackson មន្ត្រីអង្គការ CI ជួបសម្តែងការគួរសម និងពិភាក្សាការងារ
ឯកឧត្តម រ័ត្នវិរៈ អនុរដ្ឋលេខាធិការក្រសួងបរិស្ថាន បានដឹកនាំកិច្ចប្រជុំពិភាក្សាការងារ និងសំណេះសំណាល ជាមួយមន្ត្រីរាជការ និងមន្ត្រីឧទ្យានុរក្ស នៃមន្ទីរបរិស្ថានខេត្តក្រចេះ
ថ្ងៃ ពុធ, 28 សីហា, 2019 ឯកឧត្តម រ័ត្នវិរៈ អនុរដ្ឋលេខាធិការក្រសួងបរិស្ថាន បានដឹកនាំកិច្ចប្រជុំពិភាក្សាការងារ និងសំណេះសំណាល ជាមួយមន្ត្រីរាជការ និងមន្ត្រីឧទ្យានុរក្ស នៃមន្ទីរបរិស្ថានខេត្តក្រចេះ
សេចក្តីជូនដំណឹងស្តីពីការប្រឡងជ្រើសរើសនិស្សិត និងមន្ត្រីរាជការ ចូលបម្រើការងារក្នុងក្របខណ្ឌក្រសួងបរិស្ថានឆ្នាំ២០១៩
ថ្ងៃ ពុធ, 28 សីហា, 2019 សេចក្តីជូនដំណឹងស្តីពីការប្រឡងជ្រើសរើសនិស្សិត និងមន្ត្រីរាជការ ចូលបម្រើការងារក្នុងក្របខណ្ឌក្រសួងបរិស្ថានឆ្នាំ២០១៩