កម្មវិធីប្រជុំយុវជនលើកទី៦ រួមជាមួយកម្មវិធី ប្រគល់ «ទឹកស្អាត ដបទឹកមេត្រីភាព» លើកទី២

នារសៀលថ្ងៃសៅរ៍ ៤កើត ខែ មិគសិរ ឆ្នាំ កុរ ឯកស័ក ព.ស.២៥៦៣ ត្រូវនឹងថ្ងៃទី៣០ ខែ វិច្ឆិកា ឆ្នាំ២០១៩ លោកស្រី មាស ច័ន្ទធីតា អគ្គនាយករង នៃអគ្គនាយកដ្ឋានចំណេះដឹង និងព័ត៌មានបរិស្ថាន បានចូលរួមកម្មវិធីប្រជុំយុវជនលើកទី៦ រួមជាមួយកម្មវិធី ប្រគល់ «ទឹកស្អាត ដបទឹកមេត្រីភាព» លើកទី២ នៅសាលាបឋមសិក្សាព្រែកប្រាក្រោម នៅក្នុងខណ្ឌច្បារអំពៅ រាជធានីភ្នំពេញ។

កម្មវិធីនេះរៀបចំដោយអង្គការសម្ព័ន្ធសកលសន្តិភាព-កម្ពុជា និងអង្គការមូលនិធិសកល និងមានការសហការជាមួយក្រសួងអប់រំ យុវជន និងកីឡា ក្រសួងបរិស្ថាន រួមជាមួយនឹងអជ្ញាធរមូលដ្ឋាន យុវជនស្ម័គ្រចិត្ត និងសិស្សានុសិស្ស ជាច្រើននាក់។

សូមបញ្ជាក់ថា កម្មវិធីនេះប្រព្រឹត្តទៅ ជាមួយពិធីសម្ភោធដាក់ឱ្យប្រើប្រាស់ម៉ាស៊ីនចម្រោះទឹកស្អាត ដែលអង្គការបានផ្តល់អោយសាលារៀនដើម្បីលើកកម្ពស់សុខភាពសិស្ស និងចូលរួមកាត់បន្ថយការប្រើប្រាសដបប្លាស្ទិកនៅតាមសាលារៀន។