កម្ពុជារៀបចំកិច្ចប្រជុំកិច្ចសហប្រតិបត្តិការអនុតំបន់អាស៊ីអាគ្នេយ៍ របស់បណ្តាញអាស៊ីប៉ាស៊ីហ្វិចសម្រាប់ការស្រាវជ្រាវការប្រែប្រួលអាកាសធាតុសាកល (APN)

សមាជិកគណៈកម្មធិការអនុតំបន់អាស៊ីអាគ្នេយ៍ របស់បណ្តាញអាស៊ីប៉ាស៊ីហ្វិចសម្រាប់ការស្រាវជ្រាវការប្រែប្រួលអាកាសធាតុសាកល ASIA-PACIFIC NETWORK(APN) មកពី៦ប្រទេស ក្នុងនោះមានប្រទេសកម្ពុជា,ឡាវ ,ថៃ ,ឥណ្ឌូនេស៊ី, ម៉ាឡេស៊ី និងវៀតណាម បានជួបគ្នាក្នុងកិច្ចប្រជុំលើកទី១២ ទាក់ទងនឹងការសិក្សាស្រាវជ្រាវវិទ្យាសាស្រ្ត និងបរិស្ថាន រយៈពេល២ថ្ងៃ ចាប់ពិថ្ងៃទី២១-២២ ខែវិច្ឆិកា ឆ្នាំ២០១៩ នៅរាធានីភ្នំពេញ ព្រះរាជាណាចក្រកម្ពុជា។

ពិធីបើកនៃវេទិកា បានប្រព្រឹត្តទៅក្រោមអធិបតីភាព ឯកឧត្តម ជួប ប៉ារីស៍ អគ្គនាយក នៃអគ្គនាយកដ្ឋានចំណេះដឹង និងព័ត៌មានបរិស្ថាន ក្រសួងបរិស្ថាន និងមានការចូលរួមពីថ្នាក់ដឹកនាំនិងមន្រ្តីរាជការក្រសួងបរិស្ថាន តំណាងប្រទេសសមាជិក និងដៃគូអភិវឌ្ឍន៍ ជាច្រើននាក់ ដើម្បីពង្រឹងកិច្ចសហប្រតិបត្តិការលើការសិក្សាស្រាវជ្រាវនិងការអភិវឌ្ឍសមត្ថភាពទាក់ទងនឹងវិទ្យាសាស្រ្ត ការផ្លាស់ប្តូរជាសាកលនៃបរិស្ថាន ការបន្សាំរបស់ទីក្រុងនិងការប្រែប្រួលអាកាសធាតុ ដែលជាកង្វល់រួមក្នុងចំណោមបណ្តាប្រទេសក្នុងតំបន់ និងពិភពលោក។

ឯកឧត្តម ជួប បារីស៍ បានឱ្យដឹងថាកិច្ចប្រជុំអនុតំបន់អាស៊ីអាគ្នេយ៍លើកទី១២ នាពេលនេះនឹងពិនិត្យមើលវឌ្ឍនភាពការងាររបស់ខ្លួន និងពិភាក្សាបន្ថែមទៀតលើផែនការសកម្មភាពនាពេលអនាគត។ ឯកឧត្តម បានចាត់ទុកថា ក្នុងរយៈពេលប៉ុន្មានឆ្នាំកន្លងមកនេះ គណៈកម្មធិការ បានបង្កើនការទាក់ទងក្នុងចំណោមបណ្តាប្រទេសសមាជិកក្នុងតំបន់ ហើយបាននាំឱ្យមានលទ្ធផលផ្លែផ្កាឆ្លើយតបនឹងដល់ការគ្រប់គ្រងបរិស្ថានជាច្រើន។ កិច្ចប្រជុំដែលរៀបចំឡើងនៅកម្ពុជានេះដែរ នឹងផ្តល់ផលប្រយោជន៍សំខាន់ដល់កម្ពុជា ច្រើនថែមទៀត ដូចជាទៅលើការសិក្សាស្រាវជ្រាវវិទ្យាសាស្រ្តបរិស្ថាន ហើយកម្ពុជានឹងអាចពង្រឹងនូវសមត្ថភាពដល់យុវជន ពិសេសទៅលើចំណេះដឹងបរិស្ថានតែម្តង។

គួរបញ្ជាក់ថា នៅក្នុងវេទិកាពិភាក្សាជាបន្តបន្ទាប់នៅក្នុងកិច្ចប្រជុំគណៈកម្មាធិការអនុតំបន់អាស៊ីអាគ្នេយ៍របស់ APN បានបង្ហាញឆនៈរួមគ្នា ដើម្បីធានាការគ្រប់គ្រងបរិស្ថានតំបន់ និរន្តរភាពក្នុងតំបន់ទាំងពេលបច្ចុប្បន្ននិងសកម្មភាពនាពេលអនាគតផងដែរ៕

ព័ត៌មានបន្ថែម

ឯកឧត្ដម សៅ សុភាព រដ្ឋលេខាធិការក្រសួងបរិស្ថាន បានអនុញ្ញាតអោយ​លោក OKUBO Masaharu នាយកប្រតិបត្តិផ្នែក Energy Business Unit I របស់ក្រុមហ៊ុន Mitsui & Co.,Ltd និងលោកJackson មន្ត្រីអង្គការ CI ជួបសម្តែងការគួរសម និងពិភាក្សាការងារ
ថ្ងៃ ពុធ, 28 សីហា, 2019 ឯកឧត្ដម សៅ សុភាព រដ្ឋលេខាធិការក្រសួងបរិស្ថាន បានអនុញ្ញាតអោយ​លោក OKUBO Masaharu នាយកប្រតិបត្តិផ្នែក Energy Business Unit I របស់ក្រុមហ៊ុន Mitsui & Co.,Ltd និងលោកJackson មន្ត្រីអង្គការ CI ជួបសម្តែងការគួរសម និងពិភាក្សាការងារ
ឯកឧត្តម រ័ត្នវិរៈ អនុរដ្ឋលេខាធិការក្រសួងបរិស្ថាន បានដឹកនាំកិច្ចប្រជុំពិភាក្សាការងារ និងសំណេះសំណាល ជាមួយមន្ត្រីរាជការ និងមន្ត្រីឧទ្យានុរក្ស នៃមន្ទីរបរិស្ថានខេត្តក្រចេះ
ថ្ងៃ ពុធ, 28 សីហា, 2019 ឯកឧត្តម រ័ត្នវិរៈ អនុរដ្ឋលេខាធិការក្រសួងបរិស្ថាន បានដឹកនាំកិច្ចប្រជុំពិភាក្សាការងារ និងសំណេះសំណាល ជាមួយមន្ត្រីរាជការ និងមន្ត្រីឧទ្យានុរក្ស នៃមន្ទីរបរិស្ថានខេត្តក្រចេះ
សេចក្តីជូនដំណឹងស្តីពីការប្រឡងជ្រើសរើសនិស្សិត និងមន្ត្រីរាជការ ចូលបម្រើការងារក្នុងក្របខណ្ឌក្រសួងបរិស្ថានឆ្នាំ២០១៩
ថ្ងៃ ពុធ, 28 សីហា, 2019 សេចក្តីជូនដំណឹងស្តីពីការប្រឡងជ្រើសរើសនិស្សិត និងមន្ត្រីរាជការ ចូលបម្រើការងារក្នុងក្របខណ្ឌក្រសួងបរិស្ថានឆ្នាំ២០១៩