ក្រសួងបរិស្ថានបានផ្តល់បណ្ណសរសើរប្រតិបត្តិមេត្រីភាពបរិស្ថានជូនដល់ក្រុមហ៊ុន ជីប ម៉ុង នៅថ្ងៃទី៣១ ខែតុលា ឆ្នាំ ២០១៩ បន្ទាប់ពីបានពិនិត្យឃើញថាក្រុមហ៊ុននេះបានចូលរួមនិងប្រតិបត្តិកមេត្រីភាពបរិស្ថានល្អ និងបានគិតគូរខ្ពស់ពីបញ្ហាបរិស្ថាន នៅក្នុងសង្វាក់ផលិតកម្មរបស់ខ្លួន។ ពិធីប្រគល់បណ្ណសរសើរនេះធ្វើឡើងក្រោមអធិបតីភាពឯកឧត្តមនេត្រ ភក្ត្រា រដ្ឋលេខាធិការក្រសួងបរិស្ថានដោយមានការ ចូលរួមពីថ្នាក់ដឹកនាំនិងមន្ត្រីនៃអគ្គនាយកដ្ឋានចំណេះដឹងនិងព័ត៌មានបរិស្ថាន និងតំណាងក្រុមហ៊ុន ជីប ម៉ុងជាច្រើនរូបនៅទីតាំងក្រុមហ៊ុន ជីប ម៉ុង។ នេះជាការបង្ហាញការទទួលស្គាល់ និងលើកទឹកចិត្តចំពោះអ្នកប្រ​តិបត្តិមេត្រីភាពបរិស្ថាន។

ឯកឧត្តម នេត្រ ភក្ត្រា បានថ្លែងកោតសរសើរចំពោះក្រុមហ៊ុន ជីប ម៉ុងដែលបានអនុវត្ត មេត្រីភាពបរិស្ថាន និងគោរពតាមបទដ្ឋាននៃបរិស្ថានក្នុងសង្វាក់ផលិតកម្មរបស់ខ្លួនបានល្អ និងបានប្រើប្រាស់នូវបច្ចេកវិទ្យាទំនើបៗចុងក្រោយដែលបានចូលរួមក្នុងការពារបរិស្ថាន។ ឯកឧត្តមបានលើកឡើងពីការចូលរួម របស់ក្រុមហ៊ុន ជីប ម៉ុងក្នុងសកម្មភាពសម្អាតអនាម័យបរិស្ថានដោយបានដាក់រថយន្តសម្អាតថ្នល់ ២គ្រឿងជាប្រចាំនៅរាជធានីភ្នំពេញ និងពីរគ្រឿងទៀតចល័តតាមខេត្តនានា ព្រមទាំងបានចូលរួមក្នុងការ ដាំដើមឈើ និងការដាក់ពង្រាយធុងសំរាមនៅតាមទីសាធារណៈនានា។ មិនតែប៉ុណ្ណោះ ក្រុមហ៊ុនក៏បាន អនុវត្តកម្មវិធីសាលាស្អាតផងដែរ។

ជាមួយគ្នានេះ ឯកឧត្តមរដ្ឋលេខាធិការក្រសួងបរិស្ថានក៏បានលើកទឹកចិត្តដល់ក្រុមហ៊ុនបន្តអនុវត្តមេត្រីភាពបរិស្ថានឱ្យបានល្អកាន់តែខ្លាំង និងគិតគូរខ្ពស់ពីបរិស្ថានដោយស្នើឱ្យក្រុមហ៊ុនបន្តសិក្សារកបច្ចេកវិទ្យាថ្មីៗបន្ថែមទៀតដើម្បីបង្កើនការប្រតិបត្តិមេត្រីភាពបរិស្ថានក្នុងសង្វាកផលិតកម្ម ក៏ដូចជាធ្វើយ៉ាងណាផ្សាភ្ជាប់ការគោរពប្រតិបត្តិមេត្រីភាពបរិស្ថាន និងការប្រើប្រាស់របស់អតិថិជនរបស់ខ្លួន។ រដ្ឋលេខាក្រសួងបរិស្ថានក៏បានជំរុញឱ្យក្រុមហ៊ុនផ្សេងៗទៀតអនុវត្តមេត្រីភាពបរិស្ថានឱ្យបានល្អ ហើយក្រសួងបរិស្ថានរីករាយនឹងធ្វើការវាយតម្លៃ ហើយផ្តល់បណ្ណទទួលស្គាល់ និងបណ្ណសរសើរជូន។

តាមការឱ្យដឹងរបស់ឯកឧត្តម នេត្រ ភក្ត្រា រដ្ឋលេខាធិការក្រសួងបរិស្ថាន ការវាយតម្លៃមេត្រីភាពបរិស្ថានត្រូវបានកំណត់ចំពោះរូបវន្តបុគ្គល និងនីតិបុគ្គល។ ចំពោះក្រុមហ៊ុន ជីប ម៉ុង ដែលទទួលបានបណ្ណសរសេរមេត្រីភាពបរិស្ថាននេះបានបំពេញតាមលក្ខណៈវិនិច្ឆ័យ និងសូចនាករចំនួន ៦ចំណុចសំខាន់ៗគឺ១-មានចក្ខុវិស័យបរិស្ថាន ២-ហេដ្ឋារចនាសម្ពន្ធ័ ៣-ប្រតិបត្តិមេត្រីភាពបរិស្ថាន ៤-លំហបៃតង ៥-ការបញ្ជ្រាបចំណេះដឹងបរិស្ថាន ៦-ការអនុវត្តច្បាប់ និងលិខិតបទដ្ឋានគតិយុត្តបរិស្ថាន។

នៅក្នុងក្របខណ្ឌនៃការលើកទឹកចិត្តចំពោះអ្នកប្រតិបត្តិមេត្រីភាពបរិស្ថាននេះដែរ ក្រសួងបរិស្ថាន នឹងរៀបចំកម្មវិធីផ្តល់បណ្ណសរសើរមេត្រីភាពបរិស្ថានដល់ប្រតិបត្តិករគំរូមេត្រីភាពបរិស្ថានឆ្នាំ ២០១៩ នៅទីស្តីការក្រសួងបរិស្ថានក្រោមអធិបតីភាពឯកឧត្តមរដ្ឋមន្ត្រី សាយ សំអាល់ ផងដែរ។

ព័ត៌មានបន្ថែម

ឯកឧត្ដម សៅ សុភាព រដ្ឋលេខាធិការក្រសួងបរិស្ថាន បានអនុញ្ញាតអោយ​លោក OKUBO Masaharu នាយកប្រតិបត្តិផ្នែក Energy Business Unit I របស់ក្រុមហ៊ុន Mitsui & Co.,Ltd និងលោកJackson មន្ត្រីអង្គការ CI ជួបសម្តែងការគួរសម និងពិភាក្សាការងារ
ថ្ងៃ ពុធ, 28 សីហា, 2019 ឯកឧត្ដម សៅ សុភាព រដ្ឋលេខាធិការក្រសួងបរិស្ថាន បានអនុញ្ញាតអោយ​លោក OKUBO Masaharu នាយកប្រតិបត្តិផ្នែក Energy Business Unit I របស់ក្រុមហ៊ុន Mitsui & Co.,Ltd និងលោកJackson មន្ត្រីអង្គការ CI ជួបសម្តែងការគួរសម និងពិភាក្សាការងារ
ឯកឧត្តម រ័ត្នវិរៈ អនុរដ្ឋលេខាធិការក្រសួងបរិស្ថាន បានដឹកនាំកិច្ចប្រជុំពិភាក្សាការងារ និងសំណេះសំណាល ជាមួយមន្ត្រីរាជការ និងមន្ត្រីឧទ្យានុរក្ស នៃមន្ទីរបរិស្ថានខេត្តក្រចេះ
ថ្ងៃ ពុធ, 28 សីហា, 2019 ឯកឧត្តម រ័ត្នវិរៈ អនុរដ្ឋលេខាធិការក្រសួងបរិស្ថាន បានដឹកនាំកិច្ចប្រជុំពិភាក្សាការងារ និងសំណេះសំណាល ជាមួយមន្ត្រីរាជការ និងមន្ត្រីឧទ្យានុរក្ស នៃមន្ទីរបរិស្ថានខេត្តក្រចេះ
សេចក្តីជូនដំណឹងស្តីពីការប្រឡងជ្រើសរើសនិស្សិត និងមន្ត្រីរាជការ ចូលបម្រើការងារក្នុងក្របខណ្ឌក្រសួងបរិស្ថានឆ្នាំ២០១៩
ថ្ងៃ ពុធ, 28 សីហា, 2019 សេចក្តីជូនដំណឹងស្តីពីការប្រឡងជ្រើសរើសនិស្សិត និងមន្ត្រីរាជការ ចូលបម្រើការងារក្នុងក្របខណ្ឌក្រសួងបរិស្ថានឆ្នាំ២០១៩