ក្រសួងបរិស្ថានបិទវគ្គហ្វឹកហ្វឺនមន្ត្រីមុងងារសាធារណៈជាឧទ្យានុរក្សស្តីពី «វិធីសាស្រ្តល្បាត​ ក្នុងតំបន់ការពារធម្មជាតិ» ជំនាន់ទី៨

វគ្គហ្វឹកហ្វឺនស្តីពី «វិធីសាស្រ្តល្បាតក្នុងតំបន់ការពារធម្មជាតិ» ជំនាន់ទី៨ ដែលរៀបចំដោយក្រសួងបរិស្ថាន និងសាលានាយទាហានសកម្ម នៅខេត្តកំពង់ស្ពឺ បានបិទបញ្ជប់នៅថ្ងៃព្រហស្បតិ៍ ៤កើត ខែកត្តិក ឆ្នាំកុរ ឯកស័ក ព.ស២៥៦៣ ត្រូវថ្ងៃទី ៣១ ខែតុលា ឆ្នាំ២០១៩។

នៅក្នុងឱកាសអញ្ជើញជាអធិបតីបិទវគ្គហ្វឹកហ្វឺននេះ ឯកឧត្តម ស្រ៊ុន ដារិទ្ធិ រដ្ឋលេខាធិការក្រសួងបរិស្ថាន មានប្រសាសន៍ថាព្រឹត្តិការណ៍ថ្ងៃនេះ ពិតជាមានអត្ថន័យយ៉ាងជ្រាលជ្រៅ ឆ្លុះបញ្ចាំងឱ្យឃើញយ៉ាងច្បាស់អំពីកិច្ចខិតខំប្រឹងប្រែង និងការយកចិត្តទុកដាក់ខ្ពស់របស់រាជរដ្ឋាភិបាលក្នុងការបន្តអភិវឌ្ឍធនធានមនុស្ស ទាំងក្នុងវិស័យយោធា និងវិស័យស៊ីវិល រួមទាំងមន្រ្តីឧទ្យានុរក្សនៃក្រសួងបរិស្ថានឱ្យមានសមត្ថភាពដែលជាគុណវុឌ្ឍិនិងគុណធម៌ខ្ពស់ នៅក្នុងបុព្វហេតុការពារជាតិនិងប្រជាជន ក៏ដូចជាកិច្ចគាំពារបរិស្ថាន ការគ្រប់គ្រងធនធានធម្មជាតិ ការអភិរក្សជីវៈចម្រុះនិងការអភិវឌ្ឍប្រកបដោយចីរភាព។

ឯកឧត្តម បន្ថែមដែរថាការរៀបចំឱ្យមានវគ្គហ្វឹកហ្វឺនស្តីពី «វិធីសាស្ត្រល្បាតក្នុងតំបន់ការពារធម្មជាតិ» ស្របតាមបទដ្ឋានបច្ចេកទេស និងគរុកោសល្យត្រឹមត្រូវ សម្រាប់មន្ត្រីឧទ្យានុរក្ស គឺពិតជាមានសារសំខាន់ណាស់សម្រាប់ការចូលរួមអនុវត្តភារកិច្ចដ៏ខ្ពង់ខ្ពស់ សម្រាប់នីតិកាលទី៦នេះ ដែលក្រសួងបរិស្ថានបានបន្តដាក់ចេញនូវគោលនយោបាយកំណែទម្រង់ស៊ីជម្រៅគ្រប់ជ្រុងជ្រោយបន្ថែមទៀត ដើម្បីកសាងបាននូវភាពជាអ្នកដឹកនាំ ប្រព័ន្ធរដ្ឋបាលទំនើបលើកកម្ពស់គុណតម្លៃមន្ត្រីរាជការឱ្យស្រលាញ់ខ្លួនឯង មានមោទនភាពជាតិ សុចរិត សេវាកម្ម ឧត្តមភាព និងការអភិវឌ្ឍសមត្ថភាព ចាប់ពីកម្រិតថ្នាក់ដឹកនាំ រហូតដល់មន្ត្រីថ្នាក់ក្រោមគ្រប់លំដាប់ថ្នាក់ សំដៅក្តាប់មកវិញនូវមោទនភាពជាតិ និងការកសាងប្រទេសដ៏ទំនើបមួយដែលធ្វើឱ្យប្រជាពលរដ្ឋមានជីវភាពខ្ពស់ និងរស់នៅក្នុងបរិស្ថានដែលល្អប្រសើរ ដោយធានាបាននូវនិរន្តភាពបរិស្ថាន និងធនធានធម្មជាតិរបស់កម្ពុជា សម្រាប់កូនចៅជំនាន់ក្រោយ។

យោងតាមការឱ្យដឹងពី ឯកឧត្តម ឧត្តមសេនីយ៍ឯក ប៊ុត សុភាព នាយកសាលានាយទាហានសកម្ម បានលើកឡើងថា៖វគ្គហ្វឹកហ្វឺនស្តីពី «វិធីសាស្រ្តល្បាតក្នុងតំបន់ការពារធម្មជាតិ» ជំនាន់ទី៨ មានរយ:ពេល៤៥ថ្ងៃ​ ចាប់ពីថ្ងៃទី​១៧​ ខែកញ្ញា​ដល់​ថ្ងៃ​ទី​០១​ ខែ​វិច្ឆិកា​ ឆ្នាំ​២០១៩។ មន្រ្តី​ឧទ្យាន​នុរក្ស​ចំនួន៦០នាក់​ មកពីតំបន់ការពារធម្មជាតិ​ នៅក្នុងខេត្តផ្សេងៗនៃព្រះរាជាណាចក្រកម្ពុជា​ ចូលរួម​ហ្វឹកហាត់​រ​ លេីមុខវិជ្ជា​អប់រំចិត្ត​សាស្រ្ត​ យុទ្ធវិធី​ សព្វាវុធ​ វិស្វកម្ម​ សង្គ្រោះ​បឋម​ លំហាត់​របៀប​ បាញ់​ ក្បាច់​គុណ​កងយោធពលខេមរភូមិន្ទ​និងកីឡា​យោធា​ ការរស់នៅ​ក្នុង​តំបន់ព្រៃ​ និងធ្វេីលំហាត់យុទ្ធវិធី​ ឧទរជីវិត​នៅតំបន់គីរីរម្យ​។

ព័ត៌មានបន្ថែម

ឯកឧត្ដម សៅ សុភាព រដ្ឋលេខាធិការក្រសួងបរិស្ថាន បានអនុញ្ញាតអោយ​លោក OKUBO Masaharu នាយកប្រតិបត្តិផ្នែក Energy Business Unit I របស់ក្រុមហ៊ុន Mitsui & Co.,Ltd និងលោកJackson មន្ត្រីអង្គការ CI ជួបសម្តែងការគួរសម និងពិភាក្សាការងារ
ថ្ងៃ ពុធ, 28 សីហា, 2019 ឯកឧត្ដម សៅ សុភាព រដ្ឋលេខាធិការក្រសួងបរិស្ថាន បានអនុញ្ញាតអោយ​លោក OKUBO Masaharu នាយកប្រតិបត្តិផ្នែក Energy Business Unit I របស់ក្រុមហ៊ុន Mitsui & Co.,Ltd និងលោកJackson មន្ត្រីអង្គការ CI ជួបសម្តែងការគួរសម និងពិភាក្សាការងារ
ឯកឧត្តម រ័ត្នវិរៈ អនុរដ្ឋលេខាធិការក្រសួងបរិស្ថាន បានដឹកនាំកិច្ចប្រជុំពិភាក្សាការងារ និងសំណេះសំណាល ជាមួយមន្ត្រីរាជការ និងមន្ត្រីឧទ្យានុរក្ស នៃមន្ទីរបរិស្ថានខេត្តក្រចេះ
ថ្ងៃ ពុធ, 28 សីហា, 2019 ឯកឧត្តម រ័ត្នវិរៈ អនុរដ្ឋលេខាធិការក្រសួងបរិស្ថាន បានដឹកនាំកិច្ចប្រជុំពិភាក្សាការងារ និងសំណេះសំណាល ជាមួយមន្ត្រីរាជការ និងមន្ត្រីឧទ្យានុរក្ស នៃមន្ទីរបរិស្ថានខេត្តក្រចេះ
សេចក្តីជូនដំណឹងស្តីពីការប្រឡងជ្រើសរើសនិស្សិត និងមន្ត្រីរាជការ ចូលបម្រើការងារក្នុងក្របខណ្ឌក្រសួងបរិស្ថានឆ្នាំ២០១៩
ថ្ងៃ ពុធ, 28 សីហា, 2019 សេចក្តីជូនដំណឹងស្តីពីការប្រឡងជ្រើសរើសនិស្សិត និងមន្ត្រីរាជការ ចូលបម្រើការងារក្នុងក្របខណ្ឌក្រសួងបរិស្ថានឆ្នាំ២០១៩