នៅរសៀលថ្ងៃទី២០ ខែកញ្ញា ឆ្នាំ ២០១៩ នៅវិទ្យាស្ថានបច្ចេកវិទ្យាកម្ពុជា ឯកឧត្តម នេត្រ ភក្ត្រា រដ្ឋលេខាធិការក្រសួងបរិស្ថានបានចូលរួមក្នុងពិធីបិទ​«វេទិកាយុវជនជជែកពិភាក្សាអំពីបរិស្ថាន​ ឆ្នាំ២០១៩» ដែលបានប្រព្រឹត្តទៅអស់រយៈពេល ៣ខែមកហើយ ចាប់តាំងពី ខែមិថុនា ដល់ខែកញ្ញា នេះ ក្រោមការសម្របសម្រួល និងរៀបចំដោយនាយដ្ឋានអប់រំបរិស្ថាននៃអគ្គនាយកដ្ឋានចំណេះដឹងនិងព័ត៌មានបរិស្ថាន។ ក្នុងចំណោមសាលាចំនួន ១៦ ដែលចូលរួម ការប្រកួតចាប់ពីដើមមក ជ័យលាភីលេខ ១ បានទៅវិទ្យាល័យទួលទំពូង លេខ ២ បានទៅវិទ្យាល័យ ហ៊ុន សែន ប៊ុនរ៉ានី វត្តភ្នំ ហើយលេខ ៣ ស្ទួនបានទៅវិទ្យាល័យ ទួលស្វាយព្រៃ និងវិទ្យាល័យជា ស៊ីម សន្ធរម៉ុក។

ឯកឧត្តម នេត្រ ភក្ត្រា បានថ្លែងអបអរសាទរ ចំពោះប្អូនៗសិស្សានុសិស្សវិទ្យាល័យទាំង០​៤​ វិទ្យាល័យ ដែលបានឆ្លងកាត់វគ្គប្រកួតចំនួនពីរវគ្គកន្លងមកប្រកបដោយជោគជ័យក្នុង​ការពង្រឹង​សមត្ថភាព និងចំណេះដឹងរបស់ខ្លួនលើវិស័យបរិស្ថាន និងបានរួមចំណែក ក្នុងការចែករំលែកនូវចំណេះ​ដឹងទាំងនោះទៅដល់សាធារណៈជនតាមរយៈការធ្វើបទបង្ហាញដោយ​មានអំណះអំណាងច្បាស់លាស់ និងទទួលបានឱកាសបន្តចូលរួមវគ្គផ្តាច់ព្រ័ត្រ​នេះដែលមាន​រយៈពេល​​៣ខែ គិតចាប់ពីខែមិថុនា រហូតដល់ ខែកញ្ញា ឆ្នាំ​២០១៩ ដើម្បីដណ្តើមជ័យលាភី “យុវជនជជែកពិភាក្សាអំពីបរិស្ថានប្រចាំ ឆ្នាំ២០១៩”។

ឯកឧត្តម នេត្រ ភក្ត្រា បានគូសបញ្ជាក់ថា វេទិកាយុវជនជជែកពិភាក្សាអំពីបរិស្ថានឆ្នាំ​២០១៩នេះ បានផ្តល់ឱកាសដ៏សំខាន់មួយដល់ប្អូនៗសិស្សានុសិ្ស លោកគ្រូ អ្នកគ្រូនូវចំណេះដឹង ផ្សារភ្ជាប់នឹងការអនុវត្ត។ វេទិកាយុវជនជជែកពិភាក្សាអំពីបរិស្ថាន​២០១៩ វគ្គផ្តាច់ព្រ័ត្រនេះ ប្អូនៗសិស្សានុសិស្ស​បានខិតខំ​អស់កម្លាំង​កាយ កម្លាំងប្រាជ្ញា និងបង្ហាញពីកម្លាំងសាមគ្គីភាព ក្នុងការសិក្សាស្រាវជ្រាវ សិក្សាស្វែងរកប្រភពទិន្នន័យ ដើម្បីរៀបចំសំណេរ អត្ថបទ និងការបកស្រាយ ក្នុងការប្រកួតប្រជែងយកជើងឯក ក្នុងវេទិការយុវជនជជែកពិភាក្សាអំពីបរិស្ថានឆ្នាំ២០១៩នេះ។ នេះសរបញ្ជាក់ អំពីគំរូដ៏មានតម្លៃបំផុត​សម្រាប់យុវជនដទៃទៀត ដែលបានបង្ហាញពីការចូលរួម​ចំណែកជាមួយក្រសួងបរិស្ថានដើម្បីលើកកម្ពស់គុណភាពបរិស្ថាន​នៅកម្ពុជា ឱ្យស្អាតល្អ ស្រស់បៃតង គួរជាទីសោមនស្ស និងរមនាសម្រាប់ជីវិតរស់នៅ លើភពផែនដីយើងនេះ។ ការអនុវត្តសកម្មភាពនានា របស់កម្មវិធីយុវជនជជែកពិភាក្សាអំពីបរិស្ថាន​២០១៩ គឺជាគោលដៅ ពង្រឹង និងពង្រីកចំណេះដឹង សមត្ថភាពរបស់​យុវជនយើងឱ្យមានសមត្ថភាពគ្រប់គ្រាន់ ដែលចូលរួមប្រកួតប្រជែងជាមួយ យុវជនអាស៊ាន ។ ទន្ទឹមការប្រកួតប្រជែង ប្អួនៗ ក៏បានសិក្សាយល់ពីគោលនយោបាយ និងយុទ្ធសាស្រ្ត របស់ក្រសួងបរិស្ថាន ក្នុងបេសកកម្កិច្ចគាំពារបរិស្ថាន ថែរក្សាការពារធនធានធម្មជាតិ ជីវៈចម្រុះ និងការអភិវឌ្ឍដោយចីរភាព។

ដើម្បីសម្រេចបាននូវបំណងជាយុទ្ធសាស្ត្ររបស់រាជរដ្ឋាភិបាល ឯកឧត្តមរដ្ឋលេខាធិការករសួងបិស្ថាន បានលើកឡើងថា ក្រសួងបរិស្ថានបាននិងកំពុងយកចិត្តទុកដាក់ខ្ពស់លើការអភិវឌ្ឍមនុស្ស ជាពិសេស​យុវជន និងកុមារ តាមរយៈការអប់រំផ្សព្វផ្សាយ ការចែករំលែកចំណេះដឹង បទពិសោធន៍ និងរបកគំហើញថ្មីៗ ជាពិសេសបច្ចេកវិទ្យាប្រកបដោយនវានុវត្តន៍ក្នុងវិស័យបរិស្ថាន ដែលជាមធ្យោបាយដ៏មានប្រសិទ្ធភាពក្នុងការ​លើកកម្ពស់ការយល់ដឹង សំដៅប្រែក្លាយចំណេះដឹង ទៅជាការប្រតិបត្តិបរិស្ថានល្អ ដូចដែលបានគូសបង្ហាញនៅក្នុងគោលបំណងជាយុទ្ធសាស្ត្រទី៤ នៃយុទ្ធសាស្ត្រនិងផែនការសកម្មភាពបរិស្ថានជាតិ២០១៦​-​​២០២៣ ដែលជាផែនទីបង្ហាញផ្លូវសម្រាប់ជួយដល់ក្រសួង ស្ថាប័ន គ្រឹះស្ថានអប់រំ វិស័យឯកជន អង្គការមិនមែនរដ្ឋាភិបាល ដៃគូអភិវឌ្ឍន៍ និងអ្នកពាក់ព័ន្ធទាំងអស់ ក្នុងការធ្វើសមាហរណកម្មបញ្ហាបរិស្ថានទៅក្នុងគោលនយោបាយ យុទ្ធសាស្ត្រ ផែនការសកម្មភាព និងផែនការវិនិយោគទៅតាមសមត្ថកិច្ចរៀងៗខ្លួន ដើម្បីធ្វើទំនើបកម្មការគ្រប់គ្រង និងអភិបាលកិច្ចក្នុងវិស័យបរិស្ថាន និងធនធានធម្មជាតិ។

 

 

ព័ត៌មានបន្ថែម

ឯកឧត្ដម សៅ សុភាព រដ្ឋលេខាធិការក្រសួងបរិស្ថាន បានអនុញ្ញាតអោយ​លោក OKUBO Masaharu នាយកប្រតិបត្តិផ្នែក Energy Business Unit I របស់ក្រុមហ៊ុន Mitsui & Co.,Ltd និងលោកJackson មន្ត្រីអង្គការ CI ជួបសម្តែងការគួរសម និងពិភាក្សាការងារ
ថ្ងៃ ពុធ, 28 សីហា, 2019 ឯកឧត្ដម សៅ សុភាព រដ្ឋលេខាធិការក្រសួងបរិស្ថាន បានអនុញ្ញាតអោយ​លោក OKUBO Masaharu នាយកប្រតិបត្តិផ្នែក Energy Business Unit I របស់ក្រុមហ៊ុន Mitsui & Co.,Ltd និងលោកJackson មន្ត្រីអង្គការ CI ជួបសម្តែងការគួរសម និងពិភាក្សាការងារ
ឯកឧត្តម រ័ត្នវិរៈ អនុរដ្ឋលេខាធិការក្រសួងបរិស្ថាន បានដឹកនាំកិច្ចប្រជុំពិភាក្សាការងារ និងសំណេះសំណាល ជាមួយមន្ត្រីរាជការ និងមន្ត្រីឧទ្យានុរក្ស នៃមន្ទីរបរិស្ថានខេត្តក្រចេះ
ថ្ងៃ ពុធ, 28 សីហា, 2019 ឯកឧត្តម រ័ត្នវិរៈ អនុរដ្ឋលេខាធិការក្រសួងបរិស្ថាន បានដឹកនាំកិច្ចប្រជុំពិភាក្សាការងារ និងសំណេះសំណាល ជាមួយមន្ត្រីរាជការ និងមន្ត្រីឧទ្យានុរក្ស នៃមន្ទីរបរិស្ថានខេត្តក្រចេះ
សេចក្តីជូនដំណឹងស្តីពីការប្រឡងជ្រើសរើសនិស្សិត និងមន្ត្រីរាជការ ចូលបម្រើការងារក្នុងក្របខណ្ឌក្រសួងបរិស្ថានឆ្នាំ២០១៩
ថ្ងៃ ពុធ, 28 សីហា, 2019 សេចក្តីជូនដំណឹងស្តីពីការប្រឡងជ្រើសរើសនិស្សិត និងមន្ត្រីរាជការ ចូលបម្រើការងារក្នុងក្របខណ្ឌក្រសួងបរិស្ថានឆ្នាំ២០១៩