មន្ត្រីរាជការ កងកម្លាំងប្រដាប់អាវុធ និងប្រជាពលរដ្ឋខេត្តព្រះសីហនុ ធ្វើចលនាសំអាតអនាម័យបរិស្ថានតាមទីសាធាណៈ

27

ខេត្តព្រះសីហនុ៖ នៅព្រឹកថ្ងៃអង្គារ៍ ១០កើត ខែស្រាពណ៌ សំរឹទ្ធិស័ក ព.ស.២៥៦២ ត្រូវនឹងថ្ងៃទី២១ ខែសីហានេះ ឯកឧត្តម យន្ត មីន អភិបាល នៃគណៈអភិបាលខេត្តព្រះសីហនុ បានដឹកនាំមន្ត្រីរាជការ កងកម្លាំងប្រដាប់អាវុធ សិស្ស និសិ្សត និងប្រជាពលរដ្ឋ ខេត្តព្រះសីហនុ រួមគ្នាធ្វើចលនាសំអាតអនាម័យ បរិស្ថានទីសាធារណៈ ដើម្បីផ្សព្វផ្សាយអប់រំដល់សាធារណជនទូទៅឱ្យមានការចូលរួមយ៉ាងផុលផុស ក្នុងការកែប្រែឥរិយាបថនិងទម្លាប់នៃការរស់នៅប្រចាំថ្ងៃ​ មានការគិតគូពីកិច្ចគាំពារបរិស្ថាន ចូលរួមគាំទ្ររាល់សកម្មភាពពីបញ្ហាបរិស្ថាន ជាពិសេស ធ្វើយ៉ាងណាត្រូវចេះទុកដាក់ វេចខ្ចប់ និងចោលសំរាម ឱ្យបានត្រឹមត្រូវ ដើម្បីបង្កើនសោភ័ណ ភាពឆ្នេរសមុទ្រ ឱ្យមានសោភ័ណ្ឌភាព និងកំណើនភ្ញៀវទេសចរណ៍។
គូសបញ្ចាក់ថា ចលនាសំអាតអនាម័យបរិស្ថាននេះ ជាកាយវិការចូលរួមក្រើនរំលឹកដល់មន្រ្តីថ្នាក់ក្រោម មន្ត្រីរាជការមកពីបណ្តាមន្ទីរ អង្គភាពនានា រួមនិងប្រជាពលរដ្ឋ យកចិត្តទុកដាក់ពីបរិស្ថាន ដើម្បីទទួលបានផ្ទះស្អាត ទីក្រុងស្អាត និងសុខភាពល្អ៕

chevron-right chevron-left
ចែករំលែក