ក្នុងពិធីបិទការបណ្តុះបណ្តាលកម្មវិធីអភិវឌ្ឍន៍ភាពជាអ្នកដឹកនាំនយោបាយ វគ្គទី៤ ទី៥ និងទី៦ នាទីស្តីការក្រសួងបរិស្ថាន នៅព្រឹកថ្ងៃទី២៤ ខែមីនា ឆ្នាំ២០១៨ ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន មានប្រសាសន៍លើកទឹកចិត្តដល់យុវជនទាំងអស់ ធ្វើយ៉ាងណាដើម្បីពង្រឹងចំណេះដឹង និងជំនាញរបស់ខ្លួន ក៏ដូចជាស្រាវជ្រាវអោយបានច្រើន ដើម្បីចូលរួមអភិវឌ្ឍន៍សង្គមជាតិ។
ក្នុងឱកាសនោះ ឯកឧត្តមរដ្ឋមន្រ្តីបានឱ្យដឹងដែរថា វគ្គបណ្តុះបណ្តាលកម្មវិធីអភិវឌ្ឍន៍ភាពជាអ្នកដឹកនាំនយោបាយ ដែលបានរៀបចំឡើងនៅពេលនេះ មានសារៈសំខាន់ដើម្បីឲ្យយុវជនទាំងឡាយមានលទ្ធភាពគ្រប់គ្រាន់ក្នុងការចូលរួមយ៉ាងសកម្មលើការអភិវឌ្ឍនៅតាមមូលដ្ឋាន។ ឯកឧត្តមរដ្ឋមន្រ្តី បានលើកឡើងថាយុវជនត្រូវកសាងសមត្ថភាព ជាមេដឹកនាំវ័យក្មេងសម្រាប់អនាគត ក៏ដូចជាចូលរួមរាល់គ្រប់សកម្មភាពសង្គមកន្លងមកទាំងក្នុង និងក្រៅស្ថាប័ន សំដៅធ្វើយ៉ាងណា ដើម្បីមានប្រសិទ្ធភាពក្នុងការអនុវត្តការងារ។
សូមបញ្ជាក់ថា យុវជនជាង៤០០នាក់ មកពីក្រសួង ស្ថាប័ន និងអង្គភាពនានា បានចូលរួមវគ្គបណ្តុះបណ្តាលកម្មវិធីអភិវឌ្ឍន៍ភាពជាអ្នកដឹកនាំនយោបាយ ដើម្បីពង្រឹងសមត្ថភាពចំណេះដឹងក្នុងភាពជាអ្នកដឹកនាំវ័យក្មេង នៅទីស្តីការក្រសួងបរិស្ថាន រយៈពេលកន្លងមក ហើយបានបញ្ចប់ការសិក្សាដោយជោគជ័យនៅពេលនេះ ព្រមទាំងទទួលបានវិញ្ញាបនបត្របញ្ជាក់ការសិក្សា ពីឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន៕

ព័ត៌មានបន្ថែម

សិស្សានុសិស្សសាលាបឋមសិក្សាថ្នល់កែងថ្លែងអំណរគុណជូនចំពោះឯកឧត្តមបណ្ឌិត អ៊ាង សុផល្លែត និងលោកជំទាវ ជា សុផាកន្នី
ថ្ងៃ អង្គារ, 19 មិនា, 2024 សិស្សានុសិស្សសាលាបឋមសិក្សាថ្នល់កែងថ្លែងអំណរគុណជូនចំពោះឯកឧត្តមបណ្ឌិត អ៊ាង សុផល្លែត និងលោកជំទាវ ជា សុផាកន្នី
រយៈពេល៥ថ្ងៃ សមត្ថកិច្ចបានឃ្លុំដីទំហំជិត៤ពាន់ហិកតា និងបញ្ជូនជនសង្ស័យ១នាក់ទៅតុលាការ
ថ្ងៃ ចន្ទ, 18 មិនា, 2024 រយៈពេល៥ថ្ងៃ សមត្ថកិច្ចបានឃ្លុំដីទំហំជិត៤ពាន់ហិកតា និងបញ្ជូនជនសង្ស័យ១នាក់ទៅតុលាការ
មន្រ្តីជាន់ខ្ពស់ក្រសួងបរិស្ថានបន្តចុះផ្សព្វផ្សាយយុទ្ធសាស្រ្តរបស់រាជរដ្ឋាក្នុងការគ្រប់គ្រងធនធានធម្មជាតិ នៅក្នុងភូមិសាស្រ្តខេត្តពោធិ៍សាត់
ថ្ងៃ ចន្ទ, 18 មិនា, 2024 មន្រ្តីជាន់ខ្ពស់ក្រសួងបរិស្ថានបន្តចុះផ្សព្វផ្សាយយុទ្ធសាស្រ្តរបស់រាជរដ្ឋាក្នុងការគ្រប់គ្រងធនធានធម្មជាតិ នៅក្នុងភូមិសាស្រ្តខេត្តពោធិ៍សាត់