នារសៀលថ្ងៃពុធ ៧កើត ខែផល្គុន ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី២១ ខែកុម្ភៈ ឆ្នាំ២០១៨ ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានអនុញ្ញាតទទួលជួបប្រតិភូអង្គការសត្វព្រៃ និងរុក្ខជាតិអន្តរជាតិ (Fauna and Flora International-FFI) ដឹកនាំដោយលោក Ahab Charles W. Downer នាយកប្រចាំកម្ពុជា ជួបពិភាក្សាការងារ និងសំដែងការគួរសម នៅទីស្តីការក្រសួងបរិស្ថាន។ ក្នុងឱកាសនេះ ឯកឧត្តមរដ្ឋមន្រ្តីបានវាយតម្លៃខ្ពស់ចំពោះប្រតិភូអង្គការ FFI ដែលមានកិច្ចសហប្រតិបត្តិការល្អជាមួយក្រសួងបរិស្ថាន ក៏ដូចក្រសួងស្ថាប័ននានាមួយចំនួនទៀត ដែលធ្វើការងារលើវិស័យអភិរក្សធនធានធម្មជាតិក្នុងរយៈពេល ១៧ ឆ្នាំកន្លងមកនេះ។ ឯកឧត្តមរដ្ឋមន្រ្តី បានស្នើឱ្យលោក Ahab Charles W. Downer បានផ្តោតការយកចិត្តទុកដាក់បន្ថែមទៀត លើកិច្ចសហប្រតិបត្តិការ ក្នុងការអភិរក្សឧទ្យានជាតិសមុទ្រកោះរ៉ុង ដែលរាជរដ្ឋាភិបាលកម្ពុជា សម្រេចបង្កើតកាលពីដើមខែកុម្ភៈ ថ្មីៗនេះ។ ជាលទ្ធផលក្នុងកិច្ចប្រជុំខាងលើនេះ ដោយភាគីទាំងពីបេ្តជ្ញាខ្ពស់ក្នុងការពង្រឹងកិច្ចសហប្រតិបត្តិការបន្ថែមទៀតលើអភិរក្សធនធានជីវៈចម្រុះសមុទ្រ ដោយក្រសួងបរិស្ថាន និងអង្គការ FFI នឹងពិនិត្យលទ្ធភាពចុះអនុស្សារណៈរួមគ្នាបន្ថែមទៀតលើការគាំទ្របច្ចេកទេស ថវិកា ដើម្បីចូលរួមចំណែកក្នុងការអភិរក្សធនធានសមុទ្រនៅតំបន់ឧទ្យានជាតិសមុទ្រកោះរ៉ុង៕

 

 

ព័ត៌មានបន្ថែម

សិស្សានុសិស្សសាលាបឋមសិក្សាថ្នល់កែងថ្លែងអំណរគុណជូនចំពោះឯកឧត្តមបណ្ឌិត អ៊ាង សុផល្លែត និងលោកជំទាវ ជា សុផាកន្នី
ថ្ងៃ អង្គារ, 19 មិនា, 2024 សិស្សានុសិស្សសាលាបឋមសិក្សាថ្នល់កែងថ្លែងអំណរគុណជូនចំពោះឯកឧត្តមបណ្ឌិត អ៊ាង សុផល្លែត និងលោកជំទាវ ជា សុផាកន្នី
រយៈពេល៥ថ្ងៃ សមត្ថកិច្ចបានឃ្លុំដីទំហំជិត៤ពាន់ហិកតា និងបញ្ជូនជនសង្ស័យ១នាក់ទៅតុលាការ
ថ្ងៃ ចន្ទ, 18 មិនា, 2024 រយៈពេល៥ថ្ងៃ សមត្ថកិច្ចបានឃ្លុំដីទំហំជិត៤ពាន់ហិកតា និងបញ្ជូនជនសង្ស័យ១នាក់ទៅតុលាការ
មន្រ្តីជាន់ខ្ពស់ក្រសួងបរិស្ថានបន្តចុះផ្សព្វផ្សាយយុទ្ធសាស្រ្តរបស់រាជរដ្ឋាក្នុងការគ្រប់គ្រងធនធានធម្មជាតិ នៅក្នុងភូមិសាស្រ្តខេត្តពោធិ៍សាត់
ថ្ងៃ ចន្ទ, 18 មិនា, 2024 មន្រ្តីជាន់ខ្ពស់ក្រសួងបរិស្ថានបន្តចុះផ្សព្វផ្សាយយុទ្ធសាស្រ្តរបស់រាជរដ្ឋាក្នុងការគ្រប់គ្រងធនធានធម្មជាតិ នៅក្នុងភូមិសាស្រ្តខេត្តពោធិ៍សាត់