រដ្ឋមន្ត្រីក្រសួងបរិស្ថានចែករំលែកការវិវឌ្ឍនៃព្រឹត្តិការណ៍សំខាន់ៗក្នុងតំបន់ទៅដល់មន្ត្រីរាជការវ័យក្មេង

46
ឯកឧត្តមសាយ សំអាល់ រដ្ឋមន្ត្រីក្រសួងបរិស្ថានថ្លែងបាឋកថានៅក្រសួងបរិស្ថាន។ រូបភាព៖ វិសាល
ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន នៅថ្ងៃទី១៤ ខែវិច្ឆិកានេះ បានអញ្ជើញថ្លែងបាឋកថាចែករំលែកបទពិសោធន៍ស្តីពីស្ថានភាពក្នុងប្រទេស និងអន្តរជាតិទៅដល់មន្ត្រីរាជការវ័យក្មេង និងមន្ត្រីទើបប្រឡងជាប់នៅទីស្តីការក្រសួងបរិស្ថាន។
 
ឯកឧត្តមរដ្ឋមន្ត្រីបានលើកឡើងពីព្រឹត្តិការនៃកិច្ចប្រជុំកំពូលអាស៊ាននៅប្រទេសហ្វីលីពីន និងកិច្ចប្រជុំនៅដាណាងនៃប្រទេសវៀតណាម រួមទាំងព្រឹត្តិការណ៍ដែលកើនឡើងក្នុងតំបន់មជ្ឈឹមបូព៌ា និងការវិវឌ្ឍផ្សេងៗទៀតក្នុងពិភពលោកទាំងមូល។
 
ឯកឧត្តមរដ្ឋមន្ត្រីបានគូសបញ្ជាក់ពីគោលបំណងនៃការធ្វើបាឋកថានេះ ថាគឺដើម្បីរាយការណ៍បង្ហាញ ពន្យល់ និងចែករំលែកពីសភាពការណ៍ដែលកំពុងកើនឡើងទាំងតំបន់ និងអន្តរជាតិ។
 
ឯកឧត្តមបានគូសបញ្ជាក់ថា៖ “ខ្ញុំមានកាតព្វកិច្ចរាយការណ៍ពីស្ថានភាពនយោបាយ និងការវិវឌ្ឍជូនមន្ត្រីរាជការដែលជាទំពាំងស្នងឬស្សី និងជាថ្នាក់ដឹកនាំនាពេលអនាគត”។
 
ឯកឧត្តមរដ្ឋមន្ត្រីបានបន្តថា និន្នការពិភពលោកកំពុងមានការប្រែប្រួល និងកំពុងវិវឌ្ឍដែលយុវជន និងមន្ត្រីរាជការវ័យក្មេងគួរគប្បីត្រូវស្វែងយល់ និងតាមដានសម្រាប់ការរៀនសូត្រទាំងអស់គ្នា៕

ចែករំលែក