ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន នៅថ្ងៃទី១១ ខែកញ្ញា ឆ្នាំ២០១៧ បានអញ្ជើញជាអធិបតីក្នុងពិធីបើកវគ្គបណ្តុះបណ្តាលស្តីពីការបង្កើនប្រសិទ្ធភាព និងប្រសិទ្ធផលគ្រប់គ្រងរដ្ឋបាល និងហិរញ្ញវត្ថុ (វគ្គទី១)នៅទីស្តីការក្រសួងបរិស្ថាន។

ថ្លែងទៅកាន់សិក្ខាកាម ឯកឧត្តមរដ្ឋមន្ត្រីបានមានប្រសាសន៍ថា  ការបណ្តុះបណ្តាលធនធានមនុស្សគឺជាកិច្ចការងារអាទិភាពរបស់ក្រសួងបរិស្ថានតាំងពីដើមអាណត្តិមកម្ល៉េះដើម្បីពង្រឹងសមត្ថភាពមន្ត្រីក្នុងក្រសួងដែលទើបចូលបម្រើការងារ ក៏ដូចជាមន្ត្រីដែលបម្រើការងារក្នុងក្រសួងស្រាប់ក្នុងគោលបំណងបង្កើនប្រសិទ្ធភាព ប្រសិទ្ធិផលគ្រប់គ្រងផ្នែករដ្ឋបាល ហិរញ្ញវត្ថុ និងការបំពេញតួនាទីតាមជំនាញនីមួយៗក្នុងកិច្ចគាំពារបរិស្ថាន ការគ្រប់គ្រងធនធានធម្មជាតិ ការអភរិក្សជីវៈចម្រុះ និងការអភិវឌ្ឍដោយចីរភាព។

ឯកឧត្តមរដ្ឋមន្ត្រីបានសង្កត់ធ្ងន់ថា៖« តួនាទីរបស់ខ្ញុំគឺចូលរួមក្នុងការបណ្តុះបណ្តាលមន្ត្រីឱ្យមានឱកាសក្នុងក្រសួងខ្លួនឯង ក្រសួងដទៃ ឬក៏ឈានទៅដល់ការបង្កើតក្រុមហ៊ុនខ្លួនឯងតែម្តង»។

សូមបញ្ជាក់ថា វគ្គបណ្តុះបណ្តាលដែលធ្វើឡើងដើម្បីពង្រឹងសមត្ថភាពមន្ត្រីនេះគឺមានរយៈពេល ៥ ថ្ងៃចាប់ពីថ្ងៃចន្ទ ទី១១ ខែកញ្ញានេះ រហូតដល់ថ្ងៃសុក្រ ទី១៥ ខែកញ្ញា ឆ្នាំ២០១៧៕

ឯកឧត្តម សាយ សំអាល់ រដ្ឋមន្ត្រីក្រសួងបរិស្ថានថ្លែងទៅកាន់សិក្ខាកាម ក្នុងវគ្គបណ្តុះបណ្តាល។ រូបភាព៖ វិសាល

ឯកឧត្តម សាយ សំអាល់ រដ្ឋមន្ត្រីក្រសួងបរិស្ថានថ្លែងទៅកាន់សិក្ខាកាម ក្នុងវគ្គបណ្តុះបណ្តាល។ រូបភាព៖ វិសាល

ព័ត៌មានបន្ថែម

សិស្សានុសិស្សសាលាបឋមសិក្សាថ្នល់កែងថ្លែងអំណរគុណជូនចំពោះឯកឧត្តមបណ្ឌិត អ៊ាង សុផល្លែត និងលោកជំទាវ ជា សុផាកន្នី
ថ្ងៃ អង្គារ, 19 មិនា, 2024 សិស្សានុសិស្សសាលាបឋមសិក្សាថ្នល់កែងថ្លែងអំណរគុណជូនចំពោះឯកឧត្តមបណ្ឌិត អ៊ាង សុផល្លែត និងលោកជំទាវ ជា សុផាកន្នី
រយៈពេល៥ថ្ងៃ សមត្ថកិច្ចបានឃ្លុំដីទំហំជិត៤ពាន់ហិកតា និងបញ្ជូនជនសង្ស័យ១នាក់ទៅតុលាការ
ថ្ងៃ ចន្ទ, 18 មិនា, 2024 រយៈពេល៥ថ្ងៃ សមត្ថកិច្ចបានឃ្លុំដីទំហំជិត៤ពាន់ហិកតា និងបញ្ជូនជនសង្ស័យ១នាក់ទៅតុលាការ
មន្រ្តីជាន់ខ្ពស់ក្រសួងបរិស្ថានបន្តចុះផ្សព្វផ្សាយយុទ្ធសាស្រ្តរបស់រាជរដ្ឋាក្នុងការគ្រប់គ្រងធនធានធម្មជាតិ នៅក្នុងភូមិសាស្រ្តខេត្តពោធិ៍សាត់
ថ្ងៃ ចន្ទ, 18 មិនា, 2024 មន្រ្តីជាន់ខ្ពស់ក្រសួងបរិស្ថានបន្តចុះផ្សព្វផ្សាយយុទ្ធសាស្រ្តរបស់រាជរដ្ឋាក្នុងការគ្រប់គ្រងធនធានធម្មជាតិ នៅក្នុងភូមិសាស្រ្តខេត្តពោធិ៍សាត់