មន្ទីរបរិស្ថានរាជធានីភ្នំពេញ ដាំដើមឈើប្រណិត ដើម្បីបង្កើតភាពបៃតង និងជំរុញការស្រលាញ់បរិស្ថាន

រួមគ្នាដើម្បីបរិស្ថាន

សិស្សានុសិស្សសាលាបឋមសិក្សាថ្នល់កែងថ្លែងអរយៈពេល៥ថ្ងៃ សមត្ថកិច្ចបានឃ្លុំដីទំហំជិត៤�មន្រ្តីជាន់ខ្ពស់ក្រសួងបរិស្ថានបន្តចុះផ្សកម្ពុជាបង្ហាញការដោះស្រាយលើការប្រែប្រួលអាក្រសួងបរិស្ថាន និងគណៈកម្មការជាតិដើម្បីទប�

លោក គាត រង្សី ប្រធានមន្ទីរបរិស្ថានរាជធានីភ្នំពេញ។

មន្ទីរបរិស្ថានរាជធានីភ្នំពេញនៅឆ្នាំ២០១៧នេះ គ្រោងដាំកូនឈើប្រណិតឱ្យបាន៦ពាន់ដើមនៅតាមទីសាធារណៈជាពិសេសនៅតាមសាលារៀន វត្តអារាម និងទីសាធារណៈដើម្បីបង្កើតភាពបៃតង និងជំរុញទឹកចិត្តពលរដ្ឋឱ្យស្រលាញ់បរិស្ថាន។ លោក គាត រង្សី ប្រធានមន្ទីរបរិស្ថានរាជធានីភ្នំពេញ បានឱ្យដឹងថា ការដាំកូនឈើទាំងនេះនឹងជំរុញឱ្យពលរដ្ឋជាពិសេសកុមារៗស្រលាញ់បរិស្ថាន ក៏ដូចជាការបង្កើតភាពបៃតងនៅតាមសាលារៀន វត្តអារាម និងទីសាធារណៈក្រោមឈ្មោះថា សាលារៀនមេត្រីភាពបៃតង និងវត្តមេត្រីភាពបរិស្ថាន។ មិនត្រឹមតែប៉ុណ្ណោះ វាគឺជាការជំរុញការបន្ស៊ាំទៅនឹងការប្រែប្រួលអាកាសធាតុ។

សកម្មភាពមុនការដាំដើមឈើប្រណិតនៅសាលាបឋមសិក្សាភ្នំពេញថ្មី។

កូនឈើដែលមន្ទីរបរិស្ថានបានចុះដាំ មាន កូនក្រញូង បេង នាងនួន ឈើទាល និងគគីរ ហើយបើតាមគម្រោង កូនឈើ២២០០ដើមនឹងត្រូវប្រគល់ជូនសាលារៀន ហើយ២៣០០ដើមផ្សេងទៀត នឹងត្រូវប្រគល់ជូនវត្តអារាម។ ចំណែកកូនឈើដែលនៅសល់គឺនឹងជូនទៅអាជ្ញាធរខណ្ឌ។ ជាក់ស្តែងនាព្រឹកថ្ងៃទី០៥ ខែកក្កដា ឆ្នាំ២០១៧ មន្ទីរបរិស្ថានរាជធានីភ្នំពេញ បានសហការជាមួយមន្ទីរអប់រំយុវជន និងកីឡារាជធានី ភ្នំពេញ ដើម្បីដាំកូនឈើប្រណិតរួមមានដើម ( ក្រញូង បេង នាងនួន ឈើទាល គរគី ) សរុបចំនួន ៣០០ដើមនៅសាលាបឋមសិក្សាភ្នំពេញថ្មី ក្នុងខណ្ឌសែនសុខ រាជធានីភ្នំពេញ។

ក្រៅពីការបង្កើតភាពបៃតងក្នុងរាជធានី គម្រោងនេះ គឺដើម្បីបំផុសសិស្សានុសិស្សនិងពលរដ្ឋទូទៅឲ្យស្រលាញ់ការដាំដុះ ក្នុងន័យជំរុញការផ្សារភ្ជាប់រវាងមនុស្សនិងធម្មជាតិ៕

ដោយ៖ ស៊ុន មេសា

ព័ត៌មានបន្ថែម

ថ្ងៃ ពុធ, 28 កុម្ភៈ, 2018 មន្រ្តីជំនាញនិងដៃគូរបណ្តុះបណ្តាលឧទ្យានុរក្សលើការអង្កេតជីវៈចម្រុះនៅខេត្តកំពង់ធំ

ថ្ងៃ ពុធ, 28 កុម្ភៈ, 2018 មន្ទីរបរិស្ថាន និងអាជ្ញាធរខេត្តបន្ទាយមានជ័យ ដឹកនាំប្រជាពលរដ្ឋសម្អាតបរិស្ថានតាមស្ទឹងសិរីសោភ័ណ

ថ្ងៃ ចន្ទ, 26 កុម្ភៈ, 2018 សិក្ខាសាលាស្តីពី ការផ្សព្វផ្សាយផែនការយុទ្ធសាស្រ្តបញ្រ្ជាបយេនឌ័រក្នុងវិស័យបរិស្ថានឆ្នាំ២០១៦-២០២០